Am

Mae Hostel Llandudno yn croesawu gwesteion drwy’r flwyddyn. Wedi’i leoli mewn tŷ tref Fictoraidd, rydym mewn lleoliad perffaith i grwydro tref glan y môr Llandudno ar arfordir Gogledd Cymru. Ac yn darparu mynediad hawdd at Barc Cenedlaethol Eryri. Yn agos at y traeth, bariau, siopau, gweithgareddau lleol, gorsafoedd y tram, trên a bysiau. Mae Hostel Llandudno wedi'i ddodrefnu i safon uchel, gyda dodrefn unigryw megis soffa ledr 10 troedfedd chesterfield, canhwyllyron pefriog hardd a dillad gwely cotwm Eifftaidd o ansawdd, matresi a gobenyddion cyfforddus yn cynorthwyo ein gwesteion i gael noson dda o gwsg mewn atmosffer cartrefol a chynnes. Mae’r ardaloedd cyffredin yn cynnwys ystafell fwyta - gydag oergell, microdon, cyfleusterau diodydd poeth a thostiwr; lolfa Deledu a sied beiciau a chysylltiad Wi-fi cyflym iawn diderfyn. Mae croeso i’r holl westeion fwynhau brecwast cyfandirol am ddim ar arddull bwffe sydd ar gael rhwng 8.30-9.30am bob bore.

Gyda chyfoeth o nodweddion cyfnod, goleuadau hardd a sinciau treftadaeth, mae'r ystafelloedd a rennir yn darparu lle i rhwng 4 ac 8  o bobl. Mae gan bob gwely olau darllen, cysylltiad wi-fi am ddim a droriau o dan y gwely. Mae ystafelloedd ymolchi a rennir gyda chawodydd ynddynt. Mae ystafelloedd preifat ar gyfer rhwng 2 ac 8 hefyd ar gael.

Mae ein hostel arbennig yn berffaith ar gyfer unigolion, teuluoedd a grwpiau gwahanol. Os ydych chi’n deulu sydd eisiau ymlacio ar y traeth gan fwynhau nofio ac adeiladu cestyll tywod neu'n grŵp, mae gan Hostel Llandudno lawer i'w gynnig. Mae ein hawyrgylch teuluol hamddenol yn darparu man diogel a chroesawgar, bydd profiad ‘Cartref oddi cartref’ yn aros amdanoch chi. Mae gan yr holl staff ar y safle wiriadau DBS uwch i roi tawelwch meddwl i chi.

Rydym yn aml yn croesawu teithiau rygbi, nofio, beicio neu gorau, teithiau ysgol a choleg.   Gyda lle ar gyfer 46 rydym yn leoliad perffaith ar gyfer partïon unigol neu grwpiau addysg. Gall grwpiau fwynhau moethusrwydd pecynnau arlwyo o ansawdd sydd wedi’u teilwra i ddiwallu anghenion pob grŵp, gyda prydau llawn neu brydau rhannol ar gael. Rydym yn cymryd alergenau o ddifrif ac yn cymryd gofal wrth ddarparu ar gyfer anghenion dietegol arbennig ein gwesteion. Gan arbenigo mewn darparu teithiau anhygoel i ysgolion cynradd o ddydd Llun i ddydd Iau yn ystod tymor yr haf rydym yn hynod boblogaidd gyda grwpiau ysgolion yn ymweld dro ar ôl tro. Mae Hostel Llandudno yn cynnig cynllunydd taith gweinyddol am ddim i gynorthwyo grwpiau i wneud y mwyaf o'u taith yn ein hardal.

Mae Hostel Llandudno yn lleoliad rhagorol am bris fforddiadwy. Edrychwn ymlaen at eich croesawu!