Am

Hen dafarn Fictoraidd sy’n frith o waith celf ac arteffactau hanesyddol lleol sy’n adrodd hanes yr adeilad a’r bobl sydd wedi aros gyda ni dros y blynyddoedd.  Mae ein hystafelloedd yn cynnwys gwlâu hynod gyfforddus a defnyddiau a dodrefn moethus, wedi’u dylanwadu gan dirlun godidog Eryri o’n cwmpas.

O leoliadau ffurfiol ar gyfer dathliadau arbennig i ddigwyddiadau mwy hamddenol, swperau busnes, achlysuron teuluol ac ystafelloedd bychain dan olau canhwyllau, mae gennym leoliadau a bwydlenni i fodloni pawb.   Gweinir brecwast yn ystafell haul olau braf yr Ystafell Gril sy’n gweini bwyd trwy gydol y dydd. Gellir mwynhau coffi a the prynhawn Cymreig yn y Bar Teulu a choctels yn gynnar min nos.

I swper, gallwch fwynhau pryd o fwyd yn yr Ystafell Gril, neu ym Mwyty Afon Llugwy ar benwythnosau, sy’n cynnig cynhwysion tymhorol ffres o’r radd flaenaf. 

A ydych chi’n chwilio am leoliad awyr agored ag awyrgylch cosmopolitaidd?  Ymwelwch â bar Y Stablau, sy’n cynnig llwyfan i gerddorion lleol ac yn gwerthu cwrw lleol a diodydd Cymreig, ynghyd ag un o’r gerddi cwrw gorau yng Ngogledd Cymru. 

Cynigir aelodaeth am ddim i breswylwyr y gwesty yng Nghyfleuster Hamdden yr Orsaf (10 munud ar droed) yn ystod eu cyfnod yn aros gyda ni.  Gallwch fynd i wneud ymarfer corff yn y gampfa, ymlacio yn y pwll a mwynhau cael eich pampro yn salon HNB.

Drwy ddewis y Royal Oak, byddwch yn y lleoliad perffaith i grwydro Gogledd Cymru, a phorth Eryri ar garreg eich drws - yn ogystal ag ymweld â Chymru, dewch i ymgolli yn y profiad Cymreig gyda ni.