Am

Mae The Summit Complex wedi’i leoli ar gopa 679 troedfedd Pen y Gogarth yn Llandudno.

O’r lleoliad trawiadol hwn, mae’r Summit Complex yn cynnig golygfeydd aruthrol i chi o Landudno, ardaloedd o Barc Cenedlaethol Eryri, Ynys Môn a Môr Iwerddon.

Mae’r Summit Complex yn cynnwys Caffi/Bwyty, bar thema bocsio yn seiliedig ar yr enwog Randolph Turpin a siop anrhegion sy’n cynnig cofroddion gwych i’ch atgoffa chi o’ch ymweliad. Hefyd, mae yna faes chwarae i blant, golff byr a chanolfan i ymwelwyr yn y Summit.

Gallwch deithio i’r copa drwy un dull teithio neu gyfuniad o’r tram, car cebl, bws, cerdded neu gar.

Os byddwch yn dewis car cebl neu’r tram cewch brofiad bythgofiadwy. Y car cebl yw’r hiraf o’i fath yn y DU ac mae’r dramffordd yn eich cludo yn ôl i oes Fictoraidd y gorffennol. Mae’r ddau yn cynnig golygfeydd gwych, ac mae plant yn arbennig yn mwynhau’r profiad bythgofiadwy hwn.