Ymgolli yng Ngogledd Cymru

Darganfod antur anhygoel, golygfeydd hudol a phrofiadau unigryw.

Y peth anoddaf i’w wneud yn Llandudno a Sir Conwy ydi gwneud amser i bopeth ar wyliau cartref dros y gaeaf! Mae cymaint i'w gynnig - boed yn wyliau i'r teulu, gwyliau antur neu’n seibiant er mwyn ymlacio, mae’r cyfan ar gael yn y rhan hon o ogledd Cymru.

Ymgollwch mewn antur, bwyd a diod, hanes a chysurusrwydd cartrefol mewn un daith. Ewch ati i grwydro Parc Gwledig y Gogarth, mynyddoedd Eryri neu ewch am dro iachusol ar hyd pier hiraf Cymru. O ddyffryn Conwy i Hiraethog, tydi darganfod pentrefi hudolus a phrofiadau na ellir eu methu erioed wedi bod mor gyffrous

Dyna sy’n egluro efallai pam ein bod yn gyrchfan boblogaidd gydol y flwyddyn.

Mae cerddwyr a’r rheini sy’n hoffi’r awyr agored yn heidio i’r cefn gwlad i adfywio ac ymlacio o fisoedd Ionawr i Rhagfyr.

Mae gwyliau yn y gaeaf yn ogystal â’r haf yn cadw ein cyrchfannau’n brysur. Mae llawer o’n hatyniadau a llefydd y gallwch ymweld â nhw – ynghyd â’n gwestai, gwestai bychain a llety hunanddarpar – ar agor ym mhob tymor.

Dyma ychydig o syniadau i’ch helpu i Ymgolli Mewn antur yng Ngogledd Cymru:

• Cofiwch eich ysbienddrych er mwyn i chi allu adnabod preswylwyr Gwarchodfa RSPB Conwy.
• Beth am gael rhywfaint o awyr iach a sefyll ar ragfuriau Castell Dolwyddelan, cartref Tywysogion Cymru?
• Cewch fwynhau cyngherddau, comedi, opera, dawns a drama yn Venue Cymru Llandudno.
• Ewch i Canolfan Chwaraeon Eira Llandudno i fwynhau gweithgareddau a gemau llawn hwyl ar y ‘piste’ drwy gydol y flwyddyn.
• Gwirioni ar fywyd gwyllt? Fe allwch chi hefyd weld bwystfilod dieithr yn Sŵ Fynydd Gymreig Bae Colwyn, yn ogystal ag anifeiliaid fferm, tylluanod ac adar ysglyfaethus ym Mharc Fferm Bodafon yn Llandudno.
• Mae digonedd o weithgareddau i gadw plant yn brysur yn Zip World Fforest, Betws-y-Coed. Gwibiwch drwy’r goedwig ar yr Alpine Coaster, dringwch fry i fyny ar Treetop Nets neu rhowch gynnig ar y siglen enfawr sy’n eich cario’n uwch nag 80 troedfedd i’r awyr. Neu os ydych chi wrth eich boddau ag antur, beth am roi cynnig ar ein gweithgaredd newydd, Plummet 2?
• Ewch i weld y cyfleuster dan do newydd ym Mharc Antur Eryri. Cewch fwynhau cyrsiau ymosod fry yn yr awyr a sleidiau mawr, cyrsiau ogofa dan do neu seiclo dan do. Gormod o ddewis? Beth am brynu Tocyn Diwrnod Adrenalin Dan Do er mwyn rhoi cynnig ar bob un ohonynt!

Os ydych ar wyliau byr yn yr ardal, ni fyddwch am wastraffu unrhyw amser gwerthfawr yn teithio pellteroedd maith.

Mae’n ddigon hawdd cyrraedd yma os ydych yn teithio ar y ffordd neu mewn trên o rannau eraill o’r Deyrnas Unedig, byddwch yma mewn dim o dro … wel, bron iawn.