Beth Sydd ‘Mlaen

Mae ein rhaglen lawn o wyliau a digwyddiadau’n rhedeg drwy gydol y flwyddyn.

Mae digonedd o ddewis i bobl sydd wrth eu boddau â gwyliau yn Sir Conwy. Mae gennym ni bopeth, o ffeiriau bwyd lleol arbennig sy’n cynnwys cynnyrch lleol llwyddiannus, i berfformiadau gan enwogion pop byd-eang yn Stadiwm Zip World a Venue Cymru.                              

Mae gennym ni hefyd wledd a hanner i’w chynnig i selogion chwaraeon. Mae digon o rygbi ym Mae Colwyn, criced yn Llandrillo-yn-Rhos, hwylio yng Nghonwy a ralio yng nghoedwigoedd Gogledd Cymru, ac un o brif ddigwyddiadau’r flwyddyn eleni oedd Rali Cymru GB yng Ngonwy a Llandudno, sef un o’r uchafbwyntiau yng nghalendr y byd moduro cenedlaethol. 

Yn Llandudno, mae Strafagansa Fictoraidd Llandudno yn denu cynulleidfaoedd enfawr wrth i’r dref gael ei thrawsnewid yn ffair stryd Fictoraidd gyda reidiau ffair hen ffasiwn, stondinau llawn hwyl, injans stêm a phobl mewn gwisgoedd Fictoraidd.

Mae’r Nadolig yn amser arbennig hefyd, gyda ffeiriau a dathliadau traddodiadol, megis Ffair Nadolig Llandudno – un o’r ffeiriau Nadolig mwyaf yng Nghymru gyda thros 150 o stondinau. Yn ogystal â hynny, cynhelir marchnadoedd Nadolig hyfryd a smart ym Mharc Antur Eryri yn Nolgarrog a Llyn Brenig yng Ngherrigydrudion.

Yn ogystal â’r digwyddiadau poblogaidd uchod, cynhelir nifer o ddigwyddiadau unigryw mewn trefi a phentrefi llai. Gellir dod o hyd i ragor o wybdoaeth ynghylch y digwyddiadau hyn ar ein tudalen Digwyddiadau. Cadwch lygad allan am ddigwyddiadau megis Diwrnod Prom Deganwy, sy’n cynnwys amrywiaeth o weithgareddau, stondinau a lluniaeth, neu beth am fentro i lawr y dyffryn a chymryd rhan yng ngwyliau cerdded Trefriw ac Eryri?

Beth am wneud y mwyaf o’ch amser yn Sir Conwy drwy archebu llety ac aros am gyfnod hirach? Rydym yn argymell i chi ymweld â’n tudalen llety er mwyn canfod gwybodaeth am ystod eang o westai, llety gwely a brecwast ac eiddo hunan-arlwyo, rydych yn siŵr o ddod o hyd i lety perffaith beth bynnag yw eich anghenion a’ch cyllideb!