Cerdded

Cerdded

Teithiau hir, teithiau byr, teithiau tref, teithiau cefn gwlad.

Llwybrau mynyddig creigiog neu fynd am dro yn hamddenol ar draethau euraid. Llwybrau coedwig a theithiau treftadaeth. Teithiau hawdd ar gyfer y teulu, a llwybrau heriol yn yr ucheldiroedd ar gyfer cerddwyr brwd.

Cerdded yw ein gweithgaredd awyr agored mwyaf poblogaidd – ac wrth edrych ar y rhestr uchod, mae’n hawdd gweld pam.

Awydd mynd am dro iachusol yng ngwynt y môr ar hyd draethau a phromenadau? Yna dilynwch ddarnau o Lwybr Arfordir Cymru. Peidiwch â meddwl y bydd y daith yn wastad i gyd – mae’r llwybr yn eich arwain o amgylch penrhynau godidog y Gogarth a Thrwyn y Fuwch yn Llandudno ac yn cynnig llwybr gwahanol i’r mynyddoedd rhwng Conwy a Llanfairfechan.

Mae’r golygfeydd yn ein hardaloedd cefn gwlad yn eithaf da hefyd. Llwybrau yng ngogoniant Dyffryn Conwy drwy dirlun gwyrddlas ac – yn achos Trefriw, er enghraifft – cewch gyfle hefyd i ddysgu am hanes a threftadaeth yr ardal ar eich taith. Bydd rhai cerddwyr yn awyddus i ymweld â Pharc Coedwig Gwydyr, un o’n hardaloedd mwyaf poblogaidd ar gyfer cerdded. Mae’r rhaeadaru, y llynnoedd cudd a’r dreftadaeth ddiwydiannol rhyfeddol oll yn cael eu datgelu wrth ddilyn y rhwydwaith o 14 llwybr – mae Betws-y-Coed a Llanrwst yn fannau cychwyn da iawn.

Mae Mynydd Hiraethog ar yr ochr arall i’r dyffryn yn ardal eang o rostir, grug porffor, coedwig a llyn. Mae’r rhan hon o Ogledd Cymru yn cynnig rhywbeth gwahanol a hudolus iawn, ac mae’n ardal nad yw llawer yn gwybod amdani. Beth am ddechrau eich taith yng Nghanolfan Ymwelwyr Llyn Brenig.

Yng Ngwarchodfa Natur Coed Bodlondeb ger Conwy gallwch roi cynnig ar gyfeiriannu neu wylio’r bywyd gwyllt. Ac ni fyddai unrhyw ymweliad â Gogledd Cymru yn gyflawn heb fynd ar daith gerdded yn Eryri.

Mae Betws-y-Coed, y porth i’r ardal fynyddig hon, yn gyrchfan lewyrchus – galwch heibio’r Ganolfan Groeso i gael cyngor ar lwybrau cerdded.

I gael rhagor o wybodaeth am deithiau cerdded ar draws y rhanbarth ewch i’n Gwasanaeth Cefn Gwlad.

Nifer yr eitemau:

Nifer yr eitemau: 38

, wrthi'n dangos 1 i 20.

Trefnu yn ôl: A-Y: Isaf i ddechrau A-Y: Uchaf i ddechrau tripadvisorrating Uchaf i ddechrau

Taith Pererin Gogledd Cymru

Cyfeiriad

LL28 5RE

Mae’r llwybr 33 milltir ar draws Sir Gonwy yn rhan o Daith Pererin Gogledd Cymru, llwybr hanesyddol 130-milltir o hyd sy’n mynd o Abaty Dinas Basing i Ynys Enlli. Mae’r llwybr yn dilyn llwybrau traddodiadol y pererinion canoloesol a fyddai’n ymweld…
Taith Uwchdir Penmaenmawr

Cyfeiriad

Fernbrook Road, Penmaenmawr, Conwy, LL34 6DA

Ffôn
01492 575200

cg.cs@conwy.gov.uk

Penmaenmawr

Mae’r daith ar hyd yr Uwchdir yn datgelu peth o hanes cudd y dirwedd uwchben Penmaenmawr sy’n gyforiog o rywogaethau bywyd gwyllt ac adar. Hyd y daith yw tua 5.5 milltir (9 km), mae opsiwn i ddilyn llwybr ychwanegol sy’n 1.5 milltir.
Llwybr Craig Forris

Cyfeiriad

Cae'n y Coed, Betws Y Coed, Conwy, LL24 0TN

Betws Y Coed

Taith gerdded gymhedrol drwy Goedwig Gwydyr gyda golygfeydd godidog o fynyddoedd Eryri.
Teithiau Gwarchodfa Natur Leol Coedwig Pwllycrochan

Cyfeiriad

Colwyn Bay, Conwy, LL29 7BT

Ffôn
01492 575337

cg.cs@conwy.gov.uk

Colwyn Bay

Cyfres o 4 cylchdaith sy’n amrywio o .075 milltir i 1.25 milltir sy’n ymestyn ar draws y llethrau y tu ôl i dref Bae Colwyn.
Taith Golygfeydd dros Ddyffryn Conwy

Cyfeiriad

Hafna Mine, Nant Bwlch Heaern Road, Trefriw, Conwy, LL27 0JB

Trefriw

Mae'r daith hawdd hon yn cychwyn o’r maes parcio o flaen adfeilion Cloddfa Hafna, ac yn dilyn y ffordd trwy’r goedwig i fyny'r bryn drwy gymysgedd o goed pefrwydd, pinwydd a choetiroedd llydanddail gyda golygfeydd gwych dros Ddyffryn Conwy a’r Gogart
Caerhun Walk

Cyfeiriad

Tal Y Cafn, Conwy, LL28 5RR

Ffôn
01492 575290/575200

cg.cs@conwy.gov.uk

Tal Y Cafn

A gentle circular walk of approximately 6.5km long from Tal-y-Cafn along the Conwy River.
Taith Ucheldir Huw Tom - Penmaenmawr i Rowen

Cyfeiriad

New York Cotages, Bangor Road, Penmaenmawr, Conwy, LL34 6LE

Penmaenmawr

Taith gerdded Huw Tom, 6 milltir (9.6 cilomedr) o hyd gyda golygfeydd godidog o Benmaenmawr ar yr arfordir drwy’r mynyddoedd i Rowen, pentref bychan yn Nyffryn Conwy.
Llwybr yr Arglwyddes Mair, Coedwig Gwydyr

Cyfeiriad

Gwydyr Uchaf, Llanrwst, Conwy, LL26 0PN

Ffôn
0300 068 0300

Llanrwst

Mae Llwybr yr Arglwyddes Fair yn llwybr byr drwy goetir cymysg gyda golygfeydd hyfryd dros dref Llanrwst ac ar hyd Dyffryn Conwy i gyfeiriad y môr.
Llwybr Archaeolegol – Taith trwy Amser – Llwybr Hir

Cyfeiriad

Llyn Brenig Visitor Centre, Alwen, Cerrigydrudion, Conwy, LL21 9TT

Ffôn
01490 420463

Cerrigydrudion

Dau lwybr o amgylch Llyn Brenig sy’n arwain y cerddwr heibio rhai o nodweddion mwyaf diddorol y tirlun hynafol hwn. Mae’r llwybr hwn i’r gogledd-ddwyrain o Lyn Brenig tua 2 filltir o hyd.
Teithiau Cerdded Ardal Llandudno

Cyfeiriad

Llandudno, Conwy, LL30 2RP

Ffôn
01492 575290

cg.cs@conwy.gov.uk

Llandudno

Cyfres o dair taith gerdded, o bellter amrywiol, o Landudno i Ddeganwy, Ochr Penrhyn, Nant y Gamar, Trwyn y Fuwch a’r Gogarth.
Llwybr Archaeolegol Brenig - Taith trwy Amser – Llwybr Byr

Cyfeiriad

Llyn Brenig Visitor Centre, Alwen, Cerrigydrudion, Conwy, LL21 9TT

Ffôn
01490 420463

Cerrigydrudion

Y byrraf o’r ddau lwybr, ychydig gannoedd o fetrau o hyd yn unig, yn cyflwyno rhai o nodweddion mwyaf diddorol o’r Oes Efydd ac Oes y Cerrig ger Llyn Brenig.
Llwybr Llynnoedd y Goedwig

Cyfeiriad

Llyn y Sarnau, Betws Y Coed, Conwy, LL24 0DH

Betws Y Coed

Mae’r llwybr hwn drwy Goedwig Gwydyr yn datgelu golygfeydd godidog o fynyddoedd y Glyderau a’r Carneddau. Mae’r daith yn dechrau o Lyn-y-Sarnau yng Ngwydyr. Tua 4 milltir o hyd. Addas i deuluoedd.
Teithiau Cerdded Llanfairfechan

Cyfeiriad

Llanfairfechan, Conwy, LL33 0BP

Ffôn
01492 575290

cg.cs@conwy.gov.uk

Llanfairfechan

Pum taith gerdded, o bellter amrywiol, o amgylch pentref Llanfairfechan ar arfordir y gogledd. Mae pob taith yn dechrau o’r maes parcio ar Ffordd yr Orsaf a gallwch brynu lluniaeth o’r siopau a’r tafarndai lleol.
Taith Rhaeadr Ewynnol yng Nghoedwig Gwydyr

Cyfeiriad

Ty'n Llwyn, Betws Y Coed, Conwy, LL24 0DH

Ffôn
0300 068 0300

Betws Y Coed

Mae Taith Rhaeadr Ewynnol yn dilyn trac 2.5 milltir ar hyd yr Afon Llugwy at safle godidog Rhaeadr Ewynnol. Cychwynnwch y daith o faes parcio Tŷ’n Llwyn yng Nghwydyr.
Llwybrau Cerdded Gwarchodfa Natur Leol Bryn Euryn

Cyfeiriad

Rhos On Sea, Conwy

Rhos On Sea

Mae bryn calchfaen amlwg Bryn Euryn wedi’i orchuddio gan gyfres o lwybrau drwy’r coedwigoedd cyfagos, sy’n addas ar gyfer teuluoedd.
Llwybr Llyn Crafnant

Cyfeiriad

Llyn Crafnant, Trefriw, Conwy, LL27 0JZ

Trefriw

Mae’r gylchdaith hon yn mynd â chi o amgylch Llyn Crafnant yng ngodidowgrwydd Parc Cenedlaethol Eryri uwchlaw pentref Trefriw yn Nyffryn Conwy. Mae’r llwybr yn 2.5 milltir (4 km) o hyd ac yn addas i fynd â phramiau ar hyd-ddi.
Llwybr Gogledd Cymru

Cyfeiriad

Mae Llwybr Gogledd Cymru yn rhedeg ger yr arfordir o Fangor (Gwynedd) i Brestatyn (Sir Ddinbych) yn y dwyrain. Mae’r llwybr yn 60 milltir o hyd, ond mae’n bosibl cynllunio teithiau cerdded byr ar hyd rhannau o’r llwybr.
Taith Sain y Fonesig Fair trwy Goedwig Gwydyr ar MP3

Cyfeiriad

Llanrwst, Conwy, LL26 0PL

tourism@conwy.gov.uk

Llanrwst

Os oes awydd arnoch daith hamddenol yn ôl i’n gorffennol canoloesol yna mae Taith y Fonesig Fair trwy Goedwig Gwydyr yn berffaith ar eich cyfer. Ar y daith hanesyddol ceir golygfeydd anhygoel o hen dref marchnad Llanrwst ac fe’ch cyflwynir i rai o’r
Llwybr Clogwyn Gigfran, Coedwig Gwydyr

Cyfeiriad

St Mary's Church, Betws Y Coed, Conwy, LL24 0AL

Betws Y Coed

Mae’r llwybr yn dilyn ffordd fach ddeiliog ac yn arwain i fyny allt greigiog a orchuddir â phinwydd yr Alban, eithin a chwerwlys (saets gwyllt), gan ddatgelu golygfeydd trawiadol ar draws dyffrynnoedd Llugwy a Chonwy.
Taith Uwchdir Pensychnant

Cyfeiriad

Sychnant Pass Road, Conwy, Conwy, LL32 8BJ

Ffôn
01492 575290

cg.cs@conwy.gov.uk

Conwy

Cylchdaith yn arwain o ben Pas Sychnant gyda golygfeydd arbennig o Ddyffryn Conwy, mynyddoedd y Carneddau, pentir y Gogarth a’r arfordir. Hyd y daith yw tua 4.5 milltir (7.2 km).