Am

Gwybodaeth ynghylch Covid-19 

Ar agor.

Rydym yn eich cynghori i ymweld â gwefan y busnes cyn teithio i gael y wybodaeth ddiweddaraf ynghylch y cyfyngiadau sydd ar waith yn yr atyniad hwn.  Nodwch os gwelwch yn dda, mae’n rhaid archebu lle ymlaen llaw ar gyfer nifer o’r atyniadau a bydd amser penodol ar gyfer rhai tocynnau. Cadwch at y rheolau cadw pellter cymdeithasol, golchwch eich dwylo’n aml a chadwch yn ddiogel os gwelwch yn dda.

Mae Llyn Brenig yng nghanol rhostiroedd Mynydd Hiraethog ac yn ganolfan ar gyfer gweithgareddau awyr agored, yn cynnwys cerdded, beicio, pysgota a hwylio. Lle hyfryd i fwynhau picnic a golygfeydd o’r tirlun gwledig. Mae rhwydwaith o lwybrau cerdded yn croesi’r ardal a cheir nifer o lwybrau beicio a cherdded sydd wedi’u harwyddo. Yn y Ganolfan Ymwelwyr mae yna gyfleusterau megis caffi, trwyddedau pysgota a llogi beiciau, ac ardal chwarae i blant.