Môr-gelynned, Celyn y Môr, sulkies, teigrod Sumatran a mwy; sut i wneud y mwyaf o arfordir Sir Conwy y gwanwyn a’r haf hwn.

1 Bae Cinmel: Ewch ar daith gerdded natur ymwybyddiaeth ofalgar yng Ngwarchodfa Natur Leol Twyni Cinmel

Mae Twyni Cinmel ymysg y darnau sydd ar ôl o dwyndiroedd ar arfordir Gogledd Cymru. Mae hyn yn ei wneud yn eithaf arbennig. Mae’r Daith Twyni un filltir - wedi’i ddylunio gan roi ystyriaeth i natur - yn eich caniatáu i archwilio’n ofalus, heb amharu ar flodau gwyllt, anifeiliaid ac adar sydd yn tyfu, bridio a phorthi yn y gronfa. Yn y gwanwyn, mae celyn y môr a phys y ceirw yn blodeuo yma, mae gloÿnnod byw gwyn blaen oren yn hedfan o gwmpas, ehedydd yn trilio uwchben a morlo llwyd yn ymddangos yn aml ar y môr. 

2 Towyn: Trotian ar hyd Parc Hamdden Tir Prince

Mae Wales and Border Counties Harness Racing yn ystyried y chwaraeon arbennig o rasio harnais fel y gyfrinach orau yn y byd. Nid yw’n hysbys iawn yn y DU, mae’n anfon ceffyl sydd wedi’i hyfforddi o amgylch y llwybr ar gyflymder trotio cyflym, gan lusgo trol a enwir yn sulkies. 

I ddarganfod mwy am hyn, ewch i Gae Sioe Tir Prince: mae rhaglenni dydd Sadwrn wedi’u trefnu ar gyfer 21 Mai a 11 Mehefin 2022. 

Mae gan barc hamdden Tir Prince ffair ac arwerthiant cist car. 

3 Abergele: Teimlo fel brenin neu frenhines enwog yng Nghastell Gwrych

Mae sôn y bydd rhaglen I’m a Celebrity Get me Out of Here yn dychwelyd i jyngl Awstralia ar gyfer ei chyfres nesaf, ond i lawer o bobl roedd y cyfresi a gafodd eu ffilmio yng Ngogledd Cymru yn 2020 a 2021 y rhai gorau erioed. Roedd Castell Gwrych wedi darparu cefndir addas ar gyfer Turrets of Terror, Creepy Closet, Lethal Latrines a’r heriau eraill, roedd yn seren y sioe. I ail-weld y moment erchyll, gallwch ymweld yn bersonol. Mae rhannau o’r set, gan gynnwys y Clink enwog, wedi eu gadael yno. 

4 Bae Colwyn: Dysgu am rywogaethau mewn perygl yn Sŵ Mynydd Cymru

Yn gartref i tsimpansî, lemwr, llewpard eira a theigrod Sumatran, mae parc bywyd gwyllt Bae Colwyn yn lle da o ran cadwraeth ac addysg. Mae’r ceidwad yn gwybod eu pethau a gallent ddweud wrthych am gynefin naturiol yr anifeiliaid dan eu gofal, a’r pwysau y maent yn eu hwynebu yn y gwyllt. Naill ai cynlluniwch eich llwybr gan ddefnyddio’r map ar-lein neu dewch yno a chrwydro o amgylch y gerddi hyfryd - mae rhywbeth newydd i weld ym mhobman. 

5 Llandrillo-yn-Rhos: Taith drwy amser ar y Llwybr Dychmygu

Crëwyd gan 334 o haneswyr, pobl greadigol a phlant ysgol leol, mae’r Llwybr Dychymyg yn datgelu bod mwy yn Llandrillo-yn-Rhos nag y gwyddwn erioed. Oeddech chi’n gwybod mai Theatr Bypedau Harlequin yw’r theatr marionét hynaf ym Mhrydain, neu mai’r clwb golff oedd y safle glanio ar gyfer yr awyren gyntaf i lanio yng Ngogledd Cymru? Mae ap Llwybr Dychmygu, y gellir ei lawrlwytho am ddim, yn eich arwain ar daith sydd yn dod â threftadaeth gyfoethog yr ardal yn fwy drwy realiti estynedig, hanes a nodweddion cyffrous eraill. 

6 Llandudno: Cloddio i hanes Mwyngloddiau Copr Y Gogarth

Ers i’r rhyfeddod dan ddaear gael ei ddarganfod yn 1987, mae gwyddonwyr, daearegwyr, archeolegydd ac ogofwyr wedi bod yn datgloi ei gyfrinachau. Hyd yma, maent wedi mynd ar hyd y twneli am 5 milltir. Crëwyd gan fwyngloddwyr copr yr Oes Efydd, hwn yw’r mwynglawdd cynhanes hynaf sy’n hysbys yn Ewrop. Gall ymwelwyr fynd am dro drwy ddarn 200 medr o hyd, sy’n 50 cam o dan yr arwyneb: cyfle i ddychmygu sut oedd hi i gloddwyr a oedd yn torri i mewn i’r calchfaen, dros 3,500 o flynyddoedd yn ôl.   

7 Cyffordd Llandudno: Ewch ar helfa tegeirian gwyllt yng Ngwarchodfa Natur RSPB Conwy

Mae RSPB Conwy, prosiect dad-ddofi tir fwyaf blaenllaw’r sir yn hyfryd adeg hon o’r flwyddyn. Efallai eich bod yn hoff o blanhigion, yn frwd am adar neu’n rhywun sydd yn hoff o fod yn rhan o natur, mae llawer iawn i’w fwynhau yma. Ym mis Mai, mae tegeirian gwenynog a thegeirian cors yn dechrau blodeuo. Erbyn mis Mehefin, bydd pum rhywogaeth i’w gweld, gan gynnwys un sydd yn unigryw i lond llaw o lefydd yng Nghymru. Byddwch yn gweld gwenoliaid yn hedfan o gwmpas, tra bydd telor yr helyg, teloriaid hesg a theloriaid penddu yn canu cân. 

8 Conwy: Ewch ar y dŵr ar Fordaith Ymweld

Gan fod y tywydd wedi cynhesu ac mae dŵr yr arfordir wedi gostegu, mae tymor teithiau cwch Conwy yn prysuro. Dewch oddi ar lwybr yr arfordir a chamu ar y Queen Victoria neu’r Princess Louise am fordaith hanner awr, a byddwch yn gweld castell enwog Conwy o ochr wahanol, fel yr oedd morwyr canrifoedd yn ôl. Yn ddibynnol ar y tywydd a’r llanw, o bryd i’w gilydd mae Mordeithiau Ymweld yn cynnig teithiau i wylio adar. Gan gofio eich ysbienddrych, byddwch yn edrych ar y glannau am y crëyr glas, crëyr bach copog, pioden fôr, gylfinir, morfran ac elyrch.               

9 Penmaenmawr: Canfod storiâu o’r gorffennol yn Amgueddfa Penmaenmawr

Gallwch ganfod llawer am fywydau pobl gyffredin yn ôl y gwrthrychau y maent yn eu gadael ar ôl. Mae amgueddfa annibynnol, sy’n cael ei redeg gan wirfoddolwyr cymunedol ym Mhenmaenmawr yn casglu digon o’r rhain, megis hen ffotograffau, pen-bwyell 5,000 oed a biwgl o’r 19eg ganrif a ddefnyddiwyd i rybuddio’r gweithlu’r chwarel lleol o ffrwydrad ar ddigwydd. Wedi’i lleoli mewn hen swyddfa bost, mae’r amgueddfa hon wedi’i ailwampio diolch i grant Cronfa Treftadaeth y Loteri Genedlaethol.

10 Llanfairfechan: Teimlo fel plentyn eto ar draeth Llanfairfechan

Ar ddydd Sul, 29 Mai 2022, mae Clwb Hwylio Llanfairfechan yn cynnal diwrnod agored am ddim, gyda gweithgareddau i bawb. Mae’n cael ei gynnal ar Draeth Llanfairfechan, sydd â thywod eang ar drai, dŵr sydd yn berffaith ar gyfer nofio yn ogystal â mynd ar gwch atheimlad hen ffasiwn hyfryd. Dyma fan prysur i natur hefyd, wedi’i lleoli ar droed Parc Cenedlaethol Eryri a ger gwarchodfa natur Traeth Lafan, lle mae gwastadeddau llaid llanw yn atynnu adar dŵr megis hwyaden frongoch a phioden fôr.