Am
Gyda golygfeydd heb eu hail ar draws lagŵn syrffio mewndirol Adventure Parc Snowdonia tuag at y mynyddoedd a’r coedwigoedd, mae’r Hilton Garden Inn yma yn un eithaf arbennig.
Yng nghanol awyr iach ac ehangder Eryri, ac yn rhan o un o brif gyrchfannau antur y DU – Adventure Parc Snowdonia – gall gwesteion fanteisio ar yr holl anturiaethau gwych sydd ar garreg y drws.
Mae gweithgareddau yn Adventure Parc Snowdonia yn cynnwys nofio mewn dŵr croyw, SUP / padlfyrddio, beicio mynydd a chwrs rhwystrau ninja dan do. Neu gallwch ddysgu syrffio yn ystod eich arhosiad, ar lagŵn syrffio mewndirol anhygoel 300 medr o hyd, gyda thonnau addas ar gyfer pob oedran a gallu.
Cyfleusterau allweddol i ymwelwyr
Mae cyfleusterau i westeion yn cynnwys desg groeso sydd ar agor 24 awr, gwasanaeth ystafell, canolfan ffitrwydd i westeion yn unig, a WiFi am ddim ym mhob rhan o’r eiddo. Mae golygfeydd anhygoel drwy’r ffenestri uchel yn yr ystafelloedd gwely, a cheir yn yr ystafelloedd hefyd ddesg, teledu sgrîn fflat ac ystafell ymolchi en-suite. Yn ogystal â hynny mae ystafelloedd teuluol, ystafelloedd sy’n hygyrch i gadeiriau olwyn, ystafelloedd sydd yn derbyn cŵn, ac ystafelloedd mwy o faint.
Mae Zephyr’s Bar & Grill ger y lagŵn yn gweini bwyd a diod lleol gan rai o gynhyrchwyr gorau’r ardal, ac mae’r byrddau yn edrych ar draws tonnau’r lagŵn. Mae bwffe poeth ac oer a dewisiadau brecwast poeth ar gael bob dydd. Mae teras bwyta yn yr awyr agored wedi ei dirlunio, a gofod digwyddiadau preifat ar gael y tu mewn a’r tu allan.
Yn y gwesty cyrchfan unigryw hwn hefyd mae sba Wave Garden, sydd ar agor 7 diwrnod yr wythnos am driniaethau moethus, yn gystal â thaith thermol tu mewn / yn yr awyr agored, pyllau hydrotherapi, pyllau tân, a phodiau ymlacio.
Sut i archebu lle
Ar-lein, neu drwy ffonio 01492 353 353.
Rhagor o wybodaeth
Mae Hilton Garden Inn Eryri 6.2 milltir i ffwrdd o dref gaerog ganoloesol Conwy gyda’i chastell sydd yn un o Safleoedd Treftadaeth Y Byd UNESCO, a 7.8 milltir oddi wrth un o bentrefi harddaf Eryri, Betws-y-Coed.
Mae atyniadau eraill gerllaw yn cynnwys Gerddi Bodnant (6.7 milltir), Llandudno (11.2 milltir), Zip World Fforest (7.1 milltir), dechrau Llwybr y Mwynwyr a Llwybr Pyg (15.4 milltir) a Phortmeirion (29.4 miles).
Pris a Awgrymir
- Nifer yr Ystafelloedd / Unedau
- 85
Ystafell / Uned Math | Ystafell / Uned Tariff* |
---|---|
Suite | £119.00 yr ystafell (ystafell yn unig) |
Ystafell 2 wely sengl | £89.00 yr ystafell (ystafell yn unig) |
Ystafell deulu | o£174.00 i £240.00 yr ystafell (ystafell yn unig) |
Ystafell dwbl | o£89.00 i £120.00 yr ystafell (ystafell yn unig) |
*Mae ystafelloedd â golygfa o’r lagŵn ar gael. Bydd yn rhaid talu £30 yn ychwanegol am y rhain. Mae ystafelloedd addas i gŵn ar gael. Bydd yn rhaid talu £20 yn ychwanegol fesul ci, ni chaniateir mwy na 2 gi maint canolig fesul ystafell.”
Cyfleusterau
Arall
- Areas provided for smokers
- Car Charging Point
- Evening meal available / cafe or restaurant on-site
- Licensed
- Lift
- Pets accepted by arrangement
- Private Parking
- Regular evening entertainment
- Short breaks available
- Telephone in room/units/on-site
- TV in bedroom/unit
Arlwyo
- Darperir ar gyfer dietau arbennig
Cyfleusterau Darparwyr
- Adloniant rheolaidd gyda'r nos
- Ar gael ar gyfer derbyniad priodas
- Caniateir anifeiliaid anwes
- Children's facilities available
- Lifft ar gael
- Wifi ar gael
Cyfleusterau Hamdden
- Spa / Pwll Nofio
Dulliau Talu
- Derbynnir y prif gardiau credyd
Hygyrchedd
- Mynediad wedi'i wella ar gyfer ymwelwyr â nam ar eu clyw
- Mynediad wedi'i wella ar gyfer ymwelwyr â nam ar eu golwg
- Mynediad wedi'i wella ar gyfer ymwelwyr ag anawsterau symudedd
Ieithoedd a siaredir
- Siaredir Cymraeg
Nodweddion Darparwr
- Croesawgar i gŵn
- Croesewir partïon ysgol
Nodweddion Ystafell/Uned
- Cyfleusterau te a choffi ym mhob ystafell wely
- Darperir mannau i smygwyr
Season
- Pecyn Nadolig/ Blwyddyn Newydd Arbennig
Teithio Grw^p
- Derbynnir bysiau