Am

Mae Bryn Euryn yn graig calchfaen amlwg sy’n edrych dros Landrillo-yn-Rhos. Ceir yma olygfeydd gwych o Landrillo-yn-Rhos, Bae Colwyn, Llandudno a Pharc Cenedlaethol Eryri. Ceir cymysgedd gyfoethog o laswelltir a choetir yma ac mae rhan o Fryn Euryn yn Safle o Ddiddordeb Gwyddonol Arbennig. Mae llawer o hanes yn perthyn i'r ardal hefyd gyda Llys Euryn yn dyddio o'r bymthegfed ganrif a bryngaer o'r chweched ganrif. Mae nifer o lwybrau da o amgylch y bryn, gan gynnwys Llwybr y Copa, sy'n cysylltu Llys Euryn a'r gaer ar y copa, a Llwybr y Goedwig.

Nid yw Bryn Euryn nepell o lwybr cerdded a beicio’r arfordir. Mae yma hyd yn oed le i gadw beiciau, meinciau picnic a maes parcio am ddim.

Lawrlwythwch daflen Bryn Euryn i gael map o’r llwybrau cerdded yn ogystal â mwy o wybodaeth am hanes a bywyd gwyllt yr ardal a sut i gyrraedd y warchodfa.