Uchafbwyntiau'r Hydref yng Nghonwy

Saith rheswm pam fod yr hydref yn adeg gwych i ymweld â Sir Conwy

Gyda’r dail yn troi’n euraidd a hwyl yr ŵyl ar ddod, mae’r hydref yn un o’n hoff dymhorau. Dyma ambell reswm pam.

1. Mae tymereddau is yr hydref yn berffaith ar gyfer beicio

Mae beicio’n ffordd wych o grwydro. O’r arfordir i draws gwlad, mae gan Ogledd Cymru ddigonedd o lwybrau cyffrous. Un sydd wedi cyffroi’r beicwyr yw Traws Eryri, llwybr newydd ar draws ardal Eryri. Dewch â’ch beic mynydd ‘hardtail’ eich hun, neu mae modd llogi un yn lleol, ac ewch ar antur.

2. Ar deithiau cerdded arfordirol a gwledig, mae morloi, ffyngau ac adar i’w gweld

Mae’r gwanwyn yn dod â thyfiant newydd, yr haf yn dod â’r blodau, ond mae’r hydref yn dod â rhywbeth yr un mor hyfryd i Sir Conwy: ffrwythau a ffyngau. Wrth i chi ymlwybro drwy’r coed a chefn gwlad agored, mae modd canfod aeron yn y llwyni a madarch yn cuddio yn y dail. Mae’r adar yn canu ar ôl cyfnod tawel ar ddiwedd yr haf, ac yng Ngwarchodfa Natur yr RSPB Conwy, mae’r ymfudwyr tymhorol fel y chwiwell a’r corhwyaid yn dechrau cyrraedd. Cerddwch ar hyd rhan o Lwybr Arfordir Cymru yng Nghonwy, ac efallai y cewch weld morloi ifanc. Mae morloi llwyd yn bridio yng Ngogledd Cymru bob blwyddyn.

3. Mae sioeau gorau’r tymor yn dod i Landudno a Bae Colwyn

Mae’r Hydref yn golygu croesawu Opera Cenedlaethol Cymru yn ôl i Venue Cymru yn Llandudno. Yn 2023, maent yn cyflwyno tri chynhyrchiad gwych: sioe Ainadamar sydd wedi’i hysbrydoli gan y flamenco; Play Opera Live, sioe llawn hwyl i blant; a’u perfformiad anhygoel o’r La Traviata gan Verdi. Mae’r hydref yn gyfnod prysur yn Theatr Colwyn ym Mae Colwyn hefyd, gydag ystod eang o adloniant, gan gynnwys ffilmiau poblogaidd a sioeau byw i deuluoedd.

4. Mae atyniadau arswydus Conwy’n dod yn fyw yn ystod cyfnod Calan Gaeaf

Wrth i Galan Gaeaf agosáu, mae ysbrydion yn dechrau ymddangos yn adeiladau hanesyddol Conwy. Mae’r cyfan yn rhan o’r hwyl. I ymuno yn yr hwyl, ewch i roi cynnig ar Ystafell Ddianc y Mynaich Gwallgof yng Nghastell Conwy, dilynwch y Llwybr Calan Gaeaf Arswydus ym Mhlas Mawr, archwilio castell arswydus ar daith ysbrydion Escape Alive neu ewch ar Helfa Ysbrydion yng Nghastell Gwrych. I brofi eich dewrder, beth am geisio osgoi’r clowniau arswydus ar y reidiau yn Zip World Ffear Fforest ym Metws-y-coed - os ydych chi’n ddigon dewr.

5. Os yw’n oer, mae modd cynhesu drwy fwynhau bwyd a diod blasus

Yn barod i ymlacio ar ôl bod am dro? Mae tafarn gynnes gyda thân coed yn anodd ei churo. Mae nifer o’r bwytai a thafarndai gorau yng Nghonwy yn cynnig helgig, madarch a llysiau’r hydref adeg yma’r flwyddyn. Yn Llandudno, mae modd croesawu’r tymor gyda llwncdestun i’ch cynhesu yn Nistyllfa Penderyn. Yn enwog am wisgi brag sengl Cymreig, mae Penderyn yn cynnig teithiau byr a dosbarthiadau meistr manwl, yn canolbwyntio ar grefft a gwyddoniaeth cynhyrchu.

6. Mae modd gwylio tân gwyllt ar lan y môr

Tra bo sawl rhan o’r DU yn dathlu Noson Tân Gwyllt ar 5 Tachwedd, mae pethau’n wahanol yn Llandudno. Cynhelir Arddangosfa Tân Gwyllt Llandudno ar Draeth y Gogledd, sy’n golygu bod y dyddiad yn cael ei bennu gan y llanw. Yn 2023, yn dibynnu ar y tywydd, cynhelir yr arddangosfa ddydd Sul 29 Hydref. Cewch eich synnu gan yr holl glecian a lliw.

7. Er bod yr haf ar ben, mae sawl lle gwych i aros ynddynt

Mae Sir Conwy wir yn gyrchfan gydol y flwyddyn, gyda digonedd o westai, tai llety, Gwely a Brecwast ac eiddo hunanarlwyo ar agor gydol y flwyddyn. Os ydych chi am fwynhau gwyliau diwylliannol gydag amgueddfeydd, orielau a siopau, gallai gwesty mewn tŷ tref fod yn berffaith i chi. Ond os yw’n well gennych fod yng nghefn gwlad, mae modd mwynhau bythynnod gwledig cynnes Conwy, lle y cewch dynnu eich esgidiau a theimlo’n gartrefol.

Nifer yr eitemau:

Nifer yr eitemau: 224

, wrthi'n dangos 21 i 40.

Trefnu yn ôl: A-Y: Isaf i ddechrau A-Y: Uchaf i ddechrau tripadvisorrating Uchaf i ddechrau

Sgôr Teithwyr TripAdvisor
141 adolygiadau
Taith Fawr y Gogarth

Cyfeiriad

Pier Entrance, Llandudno, Conwy, LL30 2LP

Ffôn
01492 879133

sales@alpine-travel.co.uk

Llandudno

Caiff Taith Fawr y Gogarth ei weithredu gan fflyd fechan o fysiau hen ffasiwn i gludo gwesteion o amgylch Y Gogarth yn Llandudno.
Taith Feicio ar y Ffordd o amgylch Cyffordd Llandudno

Cyfeiriad

Llandudno Junction, Conwy, LL31 9NB

allmail@cyclingnorthwales.co.uk

Llandudno Junction

Mae’r daith hon yn croesi aber Conwy ar hyd lonydd a phentrefi tawel Dyffryn Conwy o Gyffordd Llandudno i Gonwy, Rowen, Henryd ac yn ôl i Gyffordd Llandudno. Mae’r daith tua 14 milltir (22.5 km) o hyd.
Llwybr Craig Forris

Cyfeiriad

Cae'n y Coed, Betws-y-Coed, Conwy, LL24 0TN

Betws-y-Coed

Taith gerdded gymhedrol/anodd drwy Goedwig Gwydir gyda golygfeydd godidog o fynyddoedd Eryri.
Taith Llyn Elsi trwy Goedwig Gwydir

Cyfeiriad

St Mary's Church, Betws-y-Coed, Conwy, LL24 0AL

Betws-y-Coed

Mae’r daith hon yn cychwyn o Eglwys y Santes Fair yng Ngwydyr ac yn dringo trwy’r coetir nes cyrraedd Llyn Elsi lle ceir golygfeydd gwych tuag at Foel Siabod a’r Carneddau.
Trwyn y Fuwch

Cyfeiriad

Colwyn Road, Llandudno, Conwy, LL30 3AL

nwwt@wildlifetrustswales.org

Llandudno

Trwyn y Fuwch yw’r pentir calchfaen i’r dwyrain o Landudno. Mae’n llai datblygedig na’i gymydog mwy ac enwog, Y Gogarth, gan olygu ei fod yn wych ar gyfer archwilio ac yn hafan ar gyfer bywyd gwyllt.
Clwb Golff Gogledd Cymru

Cyfeiriad

Bryniau Road, West Shore, Llandudno, Conwy, LL30 2DZ

Ffôn
01492 875325

enquiries@northwalesgolfclub.co.uk

Llandudno

Mae Clwb Golff Gogledd Cymru yn nhref glan môr heulog Llandudno, gyda golygfeydd gwych dros foryd Conwy i Ynys Môn a mynyddoedd Eryri.
Llwybr Brenig

Cyfeiriad

Llyn Brenig Visitor Centre, Alwen, Cerrigydrudion, Conwy, LL21 9TT

Ffôn
01490 389222

llynbrenig@dwrcymru.com

Cerrigydrudion

Mae Llwybr Brenig yn mynd o amgylch Llyn Brenig drwy’r goedwig ac ar hyd y glannau. Mae’r llwybr yn addas ar gyfer teuluoedd sydd am gerdded neu feicio, ac mae tua 9.5 milltir (15 cilomedr) o hyd.
Guide North Wales

Cyfeiriad

Llandudno, Conwy, LL30 2PE

Ffôn
07980 013630

info@guidenorthwales.com

Llandudno

Teithiau hanesyddol o amgylch Llandudno, Conwy a Gogledd Cymru ar gyfer ymweliadau ysgol, grwpiau ac unigolion.
Penmaenmawr i Gonwy - Taith Feicio ar y Ffordd

Cyfeiriad

Penmaenmawr, Conwy, LL34 6AA

allmail@cyclingnorthwales.co.uk

Penmaenmawr

Taith o tua 10 milltir (16km) gyda golygfeydd hardd sy’n mynd o Benmaenmawr i Gonwy ac yn ôl.
Llwybrau Cerdded o Bont y Pair yng Nghoedwig Gwydir

Cyfeiriad

Pont y Pair, Betws-y-Coed, Conwy, LL24 0BA

Betws-y-Coed

Mae’r gyfres hon o lwybrau cerdded cyn dechrau o faes parcio Pont y Pair ym Metws-y-Coed ac yn arwain drwy Goedwig Gwydir.
Pysgodfa Brithyll Tan-y-Mynydd

Cyfeiriad

Moelfre, Abergele, Conwy, LL22 9RF

Ffôn
01745 826722

fishinglodge@tan-y-mynydd.co.uk

Abergele

Mae Tan-y-Mynydd yn hafan bysgota brithyllod. Mae’r tiroedd yn cael eu cynnal a’u cadw fel pin mewn papur ac mae’r bysgodfa mewn ardal o gefn gwlad hygyrch, hardd a thawel yng Ngogledd Cymru.
Llwybr Treftadaeth Colwyn

Cyfeiriad

Colwyn Bay Library, Woodland Road West, Colwyn Bay, Conwy, LL29 7DH

Colwyn Bay

Darganfyddwch sut datblygodd Bae Colwyn a dysgwch fwy am dreftadaeth hanesyddol a diwylliannol gyfoethog y dref trwy gerdded trwy amser.
Teithiau Cerdded Pentrefoelas

Cyfeiriad

Pentrefoelas, Conwy, LL24 0HT

Ffôn
01492 575290

cg.cs@conwy.gov.uk

Pentrefoelas

Pum cylchdaith o wahanol hyd o bentref Pentrefoelas, sy’n enghraifft wych o bentref 'stad, sy'n cymryd ei enw o'r Foel-las, bryn bychan gerllaw lle bu unwaith gastell canoloesol cynnar.
Canolfan Ddiwylliant Conwy

Cyfeiriad

Town Ditch Road, Conwy, Conwy, LL32 8NU

Ffôn
01492 577550

archifau.archives@conwy.gov.uk

Conwy

Porth Diwylliannol i Sir Conwy - Mae Canolfan Ddiwylliant Conwy dafliad carreg oddi wrth waliau tref ganoloesol ryfeddol Conwy.
Capel Seion

Cyfeiriad

Rowen, Conwy, LL32 8YT

Ffôn
07842 980415

Rowen

Mae Capel Seion yn enghraifft wych o gapel traddodiadol Cymreig a adeiladwyd yn ystod oes aur adeiladu capeli yn y 19eg Ganrif (1819).
Llanrwst a Thu Hwnt trwy Ffos Anoddun - Taith Feicio ar y Ffordd

Cyfeiriad

Llanrwst, Conwy, LL26 0AD

allmail@cyclingnorthwales.co.uk

Llanrwst

Taith o tua 15 milltir (24 km) gyda llethrau cymedrol trwy bentrefi Betws-y-Coed, Penmachno, Capel Garmon, heibio i geunant Ffos Anoddun gyda golygfeydd gwych.
Taith Pererin Gogledd Cymru

Cyfeiriad

Conwy, LL28 5RE

Mae’r llwybr 33 milltir ar draws Sir Gonwy yn rhan o Daith Pererin Gogledd Cymru, llwybr hanesyddol 130-milltir o hyd sy’n mynd o Abaty Dinas Basing i Ynys Enlli.
Taith Llyn Parc yng Nghoedwig Gwydir

Cyfeiriad

Betws-y-Coed, Conwy, LL24 0BA

Betws-y-Coed

Mae’r daith yn dilyn hen lwybr y mwynwyr heibio i adfeilion Cloddfa Aberllyn cyn dod i Lyn Parc gyda golygfeydd hyfryd o Ddyffryn Conwy ar y ffordd yn ôl.
Coedwig Clocaenog

Cyfeiriad

Clocaenog, Corwen, Conwy

Corwen

Mae Coedwig Clocaenog yng nghanol Mynydd Hiraethog ac mae’n ardal 6,000 hectar (15,000 acer) o faint. Dyma gynefin un o boblogaethau olaf y wiwer coch yng Nghymru ac mae’n ardal hollbwysig ar gyfer y rugiar ddu brin.
Llwybrau’r Gogarth

Cyfeiriad

Great Orme, Llandudno, Conwy, LL30 2XF

Ffôn
01492 575290

cg.cs@conwy.gov.uk

Llandudno

Cyfres o lwybrau cerdded, o bellter amrywiol, i fyny ac o amgylch copa’r Gogarth yn Llandudno.