Gwyliau Gwanwyn

Chwilio am wyliau gwanwyn yng Ngogledd Cymru?

Edrychwch dim pellach!

Ymunwch â ni yn sir hardd Conwy wrth i’r dyddiau ymestyn ac wrth iddi gynhesu. Cewch weld ein tirweddau a’n gerddi’n bywiocáu gyda lliwiau’r gwanwyn a bydd dathliadau hwyliog yn codi ysbryd pawb!

O ddiwrnodau allan llawn hwyl i deuluoedd, i wyliau clyd yng nghefn gwlad a gwyliau sba moethus, Conwy yw’r lle perffaith i ymlacio, dadflino a chael seibiant ar wyliau byr yn y DU y gwanwyn hwn.

Mae 2023 wedi cael ei dynodi yn flwyddyn ‘Llwybrau’, felly dyma chwe llwybr y gallwch eu mwynhau y gwanwyn yma.

Mae’n wych i fod yn fyw

Dyma sut y byddwch yn teimlo ar frig Y Gogarth, sef y pentir sy’n ymgodi fel anghenfil y môr uwch tref Llandudno.

Mae tri llwybr i’r copa wedi eu harwyddo i roi digon o gyfle i chi i fwynhau’r golygfeydd godidog. Gellir gweld blodau gwyllt y gwanwyn yn sbecian drwy laswelltir calchfaen, adar y môr yn ymgasglu ar y clogwyni a dros 20 o rywogaethau o löynnod byw.

Ar eich ffordd i lawr gallwch ddilyn Llwybr Gerddi Haulfre a galw heibio Ystafelloedd Te Haulfre lle ceir golygfeydd panoramig ar draws tref Llandudno a thu hwnt! Cewch yr holl wybodaeth ar Daith y Gogarth yma

Bodnant yn ei Blodau

Mae’n rhy dda i’w golli. Mae Gerddi Bodnant yn lle heb ei ail i grwydro, a dychwelyd fis ar ôl mis i fwynhau pob sioe newydd o liw, o ddolydd llawn cennin pedr a charpedi o glychau’r gog i goed ceirios llawn blodau ysgafn. Mae Bwa Tresi Aur enwog yr ardd yn blodeuo o ddiwedd Mai. Y twnnel 180 troedfedd / 55m hwn o flodau melyn trwm yw’r mwyaf ysbrydoledig o’r cyfan.

Y ffordd i deithio

Ewch i weld ein harfordiroedd ar ddwy olwyn drwy feicio rhannau (neu’r cwbl, os ydych chi’n teimlo’n egnïol) o Lwybr Beicio Conwy sy'n 30 milltir o hyd gydag arwyddion i’ch arwain ar hyd yr arfordir o Lanfairfechan i Fae Cinmel.

Cerdded y muriau

Adnewyddwch eich ysbryd drwy gerdded ar hyd muriau canoloesol Conwy. Ynghyd â Chastell carreg tywyll, hollbresennol Conwy, mae’r gylchdaith hon sy’n ¾ milltir o hyd, y fwyaf cyflawn yn Ewrop, yn gwarchod drysfa o lonydd a strydoedd cefn cul.

I ffwrdd â ni

Ar ddiwrnod braf o wanwyn nid oes unman gwell i fynd na Mynydd Hiraethog, y rhostir sy’n ymlwybro draw i’r pellter o dan awyr di-ben-draw. Ewch i Ganolfan Ymwelwyr Llyn Brenig yn gyntaf i weld lle rydych chi ac i ddysgu am deithiau cerdded a theithiau beicio lleol.

Croesawch fyd natur

Golygfeydd panoramig ysblennydd i’w mwynhau ar daith gerdded Ucheldir Pensychnant a gallwch archwilio Canolfan Gadwraeth Natur Pensychnant . Yn y tiroedd 150-erw fe allwch brofi heddwch Pensychnant wrth i chi ddysgu am y bywyd gwyllt a cherdded o amgylch adfeilion canoloesol a rhostir. Mae’r ganolfan hefyd yn cynnal darlithoedd ar fywyd gwyllt ac arddangosfeydd celf.

Beth sydd ymlaen yn Sir Conwy y gwanwyn hwn?

Trwy gydol y sir, mae’r gwanwyn yn golygu ei bod hi’n ddechrau ar y gwyliau a ffeiriau awyr agored fel Ffair Hadau Conwy sy’n boblogaidd ac sydd wedi cael ei chynnal yn y dref ganoloesol ers dros 700 mlynedd. Caiff y Pasg ei ddathlu gyda helfa wyau Pasg yn nifer o’n hatyniadau, ac os ydych chi’n teimlo’n egnïol, beth am gymryd rhan yn Ras 5km y Pasg ar y Prom yn Llandudno. Cofiwch am Strafagansa Fictoraidd Llandudno eiconig gyda llawer o adloniant am ddim i’r teulu ei fwynhau’r gwanwyn hwn.

Nifer yr eitemau:

Nifer yr eitemau: 134

, wrthi'n dangos 1 i 20.

1
2
3
4
5
6
7
nesaf

Trefnu yn ôl: A-Y: Isaf i ddechrau A-Y: Uchaf i ddechrau tripadvisorrating Uchaf i ddechrau

Llwybr Hiraethog

Cyfeiriad

Pentrefoelas, Conwy, LL24 0LD

Pentrefoelas

Mae’r llwybr diddorol a golygfaol hwn yn cysylltu pentrefi Mynydd Hiraethog, sef Pentrefoelas, Cerrigydrudion, Llanfihangel Glyn Myfyr a Llanrhaeadr ar hyd cyfres o lwybrau cyhoeddus, lonydd a ffyrdd gwledig tawel.
Clwb Bowlio'r Oval, Llandudno

Cyfeiriad

The Oval, Off Gloddaeth Avenue, Llandudno, Conwy, LL30 2BU

secretaryllandudnoovalbowls@gmail.com

Llandudno

Mae Clwb Bowlio Llandudno yn The Oval, rhyw hanner milltir o ganol y dref a nesaf at y maes criced. Bydd pob ymwelydd yn cael croeso cynnes iawn i’n grîn.
Oriel Colwyn

Cyfeiriad

Upstairs at Theatr Colwyn, Abergele Road, Colwyn Bay, Conwy, LL29 7RU

Ffôn
01492 556677

curator@orielcolwyn.org

Colwyn Bay

Oriel sy’n arddangos gwaith ffotograffiaeth a ffotograffig yw Oriel Colwyn.
Teithiau pysgota “Sea Fishing Trips” yng Ngogledd Cymru

Cyfeiriad

Deganwy, Conwy, LL31 9TL

Ffôn
01492 572707

carl@sea-fishing-trips.co.uk

Deganwy

Mae cwmni Sea Fishing Trips yng Nghonwy, Gogledd Cymru yn arbenigo mewn pysgota llongddrylliadau, pysgota môr dwfn a physgota creigresi.
Taith Feicio ar y Ffordd o amgylch Llandudno

Cyfeiriad

Llandudno, Conwy, LL30 2LP

allmail@cyclingnorthwales.co.uk

Llandudno

Taith amrywiol o amgylch tref glan môr Fictoraidd Llandudno a’r Gogarth ac yn ôl Ddeganwy. Tua 15 milltir (24 km) o hyd gyda nifer o rannau sy’n codi’n raddol.
Llwybr Arglwyddes Fair, Coedwig Gwydir

Cyfeiriad

Gwydyr Uchaf, Llanrwst, Conwy, LL26 0PN

Llanrwst

Mae Llwybr yr Arglwyddes Fair yn llwybr byr drwy goetir cymysg gyda golygfeydd hyfryd dros dref Llanrwst ac ar hyd Dyffryn Conwy i gyfeiriad y môr.
Capel Gwydir Uchaf

Cyfeiriad

Tyn y Coed Gwydyr, Llanrwst, Conwy, LL26 0PN

Ffôn
01492 641687

info@gwydircastle.co.uk

Llanrwst

Dechreuwyd gwaith adeiladu’r capel ym 1673, ac mae tu allan carreg syml y capel yn rhoi camargraff o’r tu mewn. Lle moethus ydyw sy’n cyfuno steiliau Gothig a Dadeni, gyda phulpud wedi’i addurno â ffigurau cerfiedig.
Llwybr Llyn Crafnant yn Addas i'r Teulu Cyfan

Cyfeiriad

Llyn Crafnant, Trefriw, Conwy, LL27 0JZ

Trefriw

Mae’r gylchdaith hon yn mynd â chi o amgylch Llyn Crafnant yng ngodidowgrwydd Parc Cenedlaethol Eryri uwchlaw pentref Trefriw yn Nyffryn Conwy.
Teithiau Cerdded Pentrefoelas

Cyfeiriad

Pentrefoelas, Conwy, LL24 0HT

Ffôn
01492 575290

cg.cs@conwy.gov.uk

Pentrefoelas

Pum cylchdaith o wahanol hyd o bentref Pentrefoelas, sy’n enghraifft wych o bentref 'stad, sy'n cymryd ei enw o'r Foel-las, bryn bychan gerllaw lle bu unwaith gastell canoloesol cynnar.
Rhaeadr Conwy

Cyfeiriad

Pentrefoelas Road, Betws-y-Coed, Conwy, LL24 0PN

Ffôn
01690 710336

info@conwyfalls.com

Betws-y-Coed

Teithiau trwy 9.5 erw o goedwig gynhenid at raeadr drawiadol Conwy. Mynediad ar hyd tir Conwy Falls Café, a gynlluniwyd yn y 1930au gan y pensaer adnabyddus lleol Clough Williams-Ellis. Gweinir byrbrydau a phrydau blasus.
Oriel Ffin y Parc

Cyfeiriad

24 Trinity Square, Llandudno, Conwy, LL30 2RH

Ffôn
01492 642070

ralph@welshart.net

Llandudno

Mae Oriel Ffin y Parc yn un o’r orielau celf mwyaf llewyrchus yng Nghymru. Ar hyn o bryd mae’n cynrychioli mwy na deugain o arlunwyr sy’n cynnwys arlunwyr newydd a chyffrous yn ogystal â rhai o'r arlunwyr mwyaf llwyddiannus sydd wedi ennill eu plwyf…
Canolfan Hamdden Dyffryn Conwy

Cyfeiriad

Nebo Road, Llanrwst, Conwy, LL26 0SD

Ffôn
0300 4569525

hamdden.leisure@conwy.gov.uk

Llanrwst

Lleolir Canolfan Hamdden Dyffryn Conwy wrth ymyl yr ysgol uwchradd yn Llanrwst. Mae'n cynnig neuadd chwaraeon i’w llogi ar gyfer chwaraeon a gweithgareddau amrywiol ac yn ogystal â champfa sy'n cynnig ystafell bwysau ac offer cardio.
Llwybr Sain Tref Llandudno

Cyfeiriad

Llandudno, Conwy, LL30 2LS

Llandudno

Dyma lwybr sain hunan-dywysedig hawdd 3 milltir o hyd a grëwyd gan Y Gymdeithas Ddaearyddol Frenhinol gydag IBG.
Trwyn y Fuwch

Cyfeiriad

Colwyn Road, Llandudno, Conwy, LL30 3AL

nwwt@wildlifetrustswales.org

Llandudno

Trwyn y Fuwch yw’r pentir calchfaen i’r dwyrain o Landudno. Mae’n llai datblygedig na’i gymydog mwy ac enwog, Y Gogarth, gan olygu ei fod yn wych ar gyfer archwilio ac yn hafan ar gyfer bywyd gwyllt.
Twyni Cinmel

Cyfeiriad

St Asaph Avenue North, Kinmel Bay, Conwy, LL18 5EQ

cg.cs@conwy.gov.uk

Kinmel Bay

Mae Twyni Cinmel yn rhoi cyfle i chi gerdded neu feicio drwy system dwyni tywod weithredol gan ddilyn y llwybrau.
Llwybrau Beicio Mynydd Penmachno

Cyfeiriad

Penmachno, Conwy, LL24 0YP

info@penmachnobiketrails.org.uk

Penmachno

Llwybrau Penmachno yw un o ganolfannau beicio mynydd gorau Gogledd Cymru. Mae yma ddau lwybr - Dolen Machno (19cilomedr) a Dolen Eryri (11 cilomedr) - gallwch eu beicio’n unigol neu fel clamp o daith hir 30 cilomedr.
Traeth Bae Penrhyn

Cyfeiriad

Glan-y-Mor Road, Penrhyn Bay, Conwy, LL30 3PR

Ffôn
01492 596253

harbour@conwy.gov.uk

Penrhyn Bay

Mae traeth Bae Penrhyn ar Lwybr Arfordir Cymru ac mae yna lwybrau arfordirol hefyd i Fae Colwyn neu Fae’r Gogarth gerllaw.
Canolfan Ddigwyddiadau Eirias

Cyfeiriad

Abergele Road, Colwyn Bay, Conwy, LL29 7SP

Ffôn
0300 4569525

hamdden.leisure@conwy.gov.uk

Colwyn Bay

Mae Canolfan Ddigwyddiadau Eirias yn cynnig prif gyfleusterau i aelodau o’r cyhoedd, trefnwyr digwyddiadau a thimau a chlybiau chwaraeon proffesiynol.
Taith Fawr y Gogarth

Cyfeiriad

Pier Entrance, Llandudno, Conwy, LL30 2LP

Ffôn
01492 879133

sales@alpine-travel.co.uk

Llandudno

Caiff Taith Fawr y Gogarth ei weithredu gan fflyd fechan o fysiau hen ffasiwn i gludo gwesteion o amgylch Y Gogarth yn Llandudno.
Y Tŷ Lleiaf ym Mhrydain

Cyfeiriad

Lower Gate Street, Conwy, Conwy, LL32 8BE

Ffôn
01492 573965

info@thesmallesthouse.co.uk

Conwy

Gellir dod o hyd i’r Tŷ Lleiaf ym Mhrydain yn swatio o blith teras o dai ar lan y cei yng Nghonwy. Ni allwch golli’r tŷ lleiaf a byddech yn wallgof i beidio â bwrw’ch pen i mewn i gael golwg ar eich ffordd heibio.