Gwyliau Gwanwyn

Chwilio am wyliau gwanwyn yng Ngogledd Cymru?

Edrychwch dim pellach!

Ymunwch â ni yn sir hardd Conwy wrth i’r dyddiau ymestyn ac wrth iddi gynhesu. Cewch weld ein tirweddau a’n gerddi’n bywiocáu gyda lliwiau’r gwanwyn a bydd dathliadau hwyliog yn codi ysbryd pawb!

O ddiwrnodau allan llawn hwyl i deuluoedd, i wyliau clyd yng nghefn gwlad a gwyliau sba moethus, Conwy yw’r lle perffaith i ymlacio, dadflino a chael seibiant ar wyliau byr yn y DU y gwanwyn hwn.

Mae 2023 wedi cael ei dynodi yn flwyddyn ‘Llwybrau’, felly dyma chwe llwybr y gallwch eu mwynhau y gwanwyn yma.

Mae’n wych i fod yn fyw

Dyma sut y byddwch yn teimlo ar frig Y Gogarth, sef y pentir sy’n ymgodi fel anghenfil y môr uwch tref Llandudno.

Mae tri llwybr i’r copa wedi eu harwyddo i roi digon o gyfle i chi i fwynhau’r golygfeydd godidog. Gellir gweld blodau gwyllt y gwanwyn yn sbecian drwy laswelltir calchfaen, adar y môr yn ymgasglu ar y clogwyni a dros 20 o rywogaethau o löynnod byw.

Ar eich ffordd i lawr gallwch ddilyn Llwybr Gerddi Haulfre a galw heibio Ystafelloedd Te Haulfre lle ceir golygfeydd panoramig ar draws tref Llandudno a thu hwnt! Cewch yr holl wybodaeth ar Daith y Gogarth yma

Bodnant yn ei Blodau

Mae’n rhy dda i’w golli. Mae Gerddi Bodnant yn lle heb ei ail i grwydro, a dychwelyd fis ar ôl mis i fwynhau pob sioe newydd o liw, o ddolydd llawn cennin pedr a charpedi o glychau’r gog i goed ceirios llawn blodau ysgafn. Mae Bwa Tresi Aur enwog yr ardd yn blodeuo o ddiwedd Mai. Y twnnel 180 troedfedd / 55m hwn o flodau melyn trwm yw’r mwyaf ysbrydoledig o’r cyfan.

Y ffordd i deithio

Ewch i weld ein harfordiroedd ar ddwy olwyn drwy feicio rhannau (neu’r cwbl, os ydych chi’n teimlo’n egnïol) o Lwybr Beicio Conwy sy'n 30 milltir o hyd gydag arwyddion i’ch arwain ar hyd yr arfordir o Lanfairfechan i Fae Cinmel.

Cerdded y muriau

Adnewyddwch eich ysbryd drwy gerdded ar hyd muriau canoloesol Conwy. Ynghyd â Chastell carreg tywyll, hollbresennol Conwy, mae’r gylchdaith hon sy’n ¾ milltir o hyd, y fwyaf cyflawn yn Ewrop, yn gwarchod drysfa o lonydd a strydoedd cefn cul.

I ffwrdd â ni

Ar ddiwrnod braf o wanwyn nid oes unman gwell i fynd na Mynydd Hiraethog, y rhostir sy’n ymlwybro draw i’r pellter o dan awyr di-ben-draw. Ewch i Ganolfan Ymwelwyr Llyn Brenig yn gyntaf i weld lle rydych chi ac i ddysgu am deithiau cerdded a theithiau beicio lleol.

Croesawch fyd natur

Golygfeydd panoramig ysblennydd i’w mwynhau ar daith gerdded Ucheldir Pensychnant a gallwch archwilio Canolfan Gadwraeth Natur Pensychnant . Yn y tiroedd 150-erw fe allwch brofi heddwch Pensychnant wrth i chi ddysgu am y bywyd gwyllt a cherdded o amgylch adfeilion canoloesol a rhostir. Mae’r ganolfan hefyd yn cynnal darlithoedd ar fywyd gwyllt ac arddangosfeydd celf.

Beth sydd ymlaen yn Sir Conwy y gwanwyn hwn?

Trwy gydol y sir, mae’r gwanwyn yn golygu ei bod hi’n ddechrau ar y gwyliau a ffeiriau awyr agored fel Ffair Hadau Conwy sy’n boblogaidd ac sydd wedi cael ei chynnal yn y dref ganoloesol ers dros 700 mlynedd. Caiff y Pasg ei ddathlu gyda helfa wyau Pasg yn nifer o’n hatyniadau, ac os ydych chi’n teimlo’n egnïol, beth am gymryd rhan yn Ras 5km y Pasg ar y Prom yn Llandudno. Cofiwch am Strafagansa Fictoraidd Llandudno eiconig gyda llawer o adloniant am ddim i’r teulu ei fwynhau’r gwanwyn hwn.

Nifer yr eitemau:

Nifer yr eitemau: 134

, wrthi'n dangos 41 i 60.

Trefnu yn ôl: A-Y: Isaf i ddechrau A-Y: Uchaf i ddechrau tripadvisorrating Uchaf i ddechrau

Pysgota yn Llyn Brenig

Cyfeiriad

Llyn Brenig Visitor Centre, Cerrigydrudion, Corwen, Conwy, LL21 9TT

Ffôn
01490 389222

llyn.brenig@dwrcymru.com

Corwen

Mae Llyn Brenig yn adnabyddus am ei harddwch a’i ddewis eang o weithgareddau awyr agored, yn cynnwys pysgota plu ardderchog. Mae’r llyn 920 acer o faint yn cael ei stocio â brithyll seithliw, sy’n cael eu magu ar y safle.
Llwybr Beicio I Fyny i’r Llyn

Cyfeiriad

Cyffylliog, Cerrigydrudion, Conwy, LL15 2ED

Cerrigydrudion

Mae ‘I fyny i’r Llyn’ yn daith feicio eithaf hir a mynyddig, tua 42 cilomedr, ac yn ddelfrydol ar gyfer dechreuwyr a beicwyr canolradd ac unrhyw un sydd am brofi ei stamina heb ormod o waith technegol.
Teithiau Cerdded Pentrefoelas

Cyfeiriad

Pentrefoelas, Conwy, LL24 0HT

Ffôn
01492 575290

cg.cs@conwy.gov.uk

Pentrefoelas

Pum cylchdaith o wahanol hyd o bentref Pentrefoelas, sy’n enghraifft wych o bentref 'stad, sy'n cymryd ei enw o'r Foel-las, bryn bychan gerllaw lle bu unwaith gastell canoloesol cynnar.
Canolfan Nofio Llandudno

Cyfeiriad

Mostyn Broadway, Llandudno, Conwy, LL30 1YR

Ffôn
0300 4569525

hamdden.leisure@conwy.gov.uk

Llandudno

Mae Canolfan Nofio Llandudno yn cynnig pwll cystadlu 25 metr, 8 lôn yn ogystal â phwll ymarfer 20 metr, 4 lôn. Mae'r ddau bwll yn cynnwys llawr symudol, sy'n caniatáu mwy o hyblygrwydd gyda sut y defnyddir y pwll.
Twyni Cinmel

Cyfeiriad

St Asaph Avenue North, Kinmel Bay, Conwy, LL18 5EQ

cg.cs@conwy.gov.uk

Kinmel Bay

Mae Twyni Cinmel yn rhoi cyfle i chi gerdded neu feicio drwy system dwyni tywod weithredol gan ddilyn y llwybrau.
Pysgodfa Brithyll Crafnant

Cyfeiriad

Lakeside Cafe, Llyn Crafnant, Trefriw, Conwy, LL27 0JZ

Ffôn
01492 640818

info@crafnant.free-online.co.uk

Trefriw

Mae Llyn Crafnant yn 63 erw ac wedi’i stocio â brithyllod seithliw, gan ychwanegu at y brithyllod gwyllt.
Teithiau Cerdded Llanfairfechan

Cyfeiriad

Llanfairfechan, Conwy, LL33 0BP

Ffôn
01492 575290

cg.cs@conwy.gov.uk

Llanfairfechan

Pum taith gerdded, o bellter amrywiol, o amgylch pentref Llanfairfechan ar arfordir y gogledd. Mae pob taith yn dechrau o’r maes parcio ar Ffordd yr Orsaf a gallwch brynu lluniaeth o’r siopau a’r tafarndai lleol.
Tŷ Mawr Wybrnant

Cyfeiriad

Penmachno, Betws-y-Coed, Conwy, LL25 0HJ

Ffôn
01766 510120

eryri@nationaltrust.org.uk

Betws-y-Coed

Er bod Cwm Wybrnant yn fan tawel ac anghysbell heddiw, mae’r lleoliad yn arwyddocaol iawn yn hanes a diwylliant Cymru.
Pysgodfa Brithyll Tan-y-Mynydd

Cyfeiriad

Moelfre, Abergele, Conwy, LL22 9RF

Ffôn
01745 826722

fishinglodge@tan-y-mynydd.co.uk

Abergele

Mae Tan-y-Mynydd yn hafan bysgota brithyllod. Mae’r tiroedd yn cael eu cynnal a’u cadw fel pin mewn papur ac mae’r bysgodfa mewn ardal o gefn gwlad hygyrch, hardd a thawel yng Ngogledd Cymru.
Llwybr Archaeolegol - Taith trwy Amser - Llwybr Hir

Cyfeiriad

Llyn Brenig Visitor Centre, Alwen, Cerrigydrudion, Conwy, LL21 9TT

Ffôn
01490 389222

Cerrigydrudion

Dau lwybr o amgylch Llyn Brenig sy’n arwain y cerddwr heibio rhai o nodweddion mwyaf diddorol y tirlun hynafol hwn. Mae’r llwybr hwn i’r gogledd-ddwyrain o Lyn Brenig tua 2 filltir o hyd.
Gwarchodfa Natur Lleol Coedwig Bodlondeb

Cyfeiriad

Bodlondeb, Bangor Road, Conwy, Conwy, LL32 8DU

Ffôn
01492 575542

Conwy

Mae’r coetir cymysg deniadol hwn o 7.5 ha rhwng Parc Bodlondeb yng Nghonwy a glan ddeheuol Moryd Conwy, ac mae’n gartref i amrywiaeth o famaliaid, adar ac ieir bach yr haf.
Llwybr Arfordir Cymru

Cyfeiriad

Conwy

wcp@cyfoethnaturiolcymru.gov.uk

Mae’r llwybr cerdded pellter hir hwn yn mynd o gyrion Caer yn y gogledd, i Gas-gwent yn y de; pellter o 870 milltir (1400km).
Car Cebl Llandudno

Cyfeiriad

Happy Valley, Llandudno, Conwy, LL30 2LP

Ffôn
01492 877205

Llandudno

Mwynhewch daith ar Gar Cebl Llandudno yn ystod eich ymweliad â'r gyrchfan hyfryd. Mae’r profiad unigryw hwn a agorwyd ar 30 Mehefin 1969 fel y system car cebl teithwyr hiraf ym Mhrydain.
Pysgota yn Llyn Aled

Cyfeiriad

Llyn Aled, Pentrefoelas, Conwy

Ffôn
01490 389222

Pentrefoelas

Mae Llyn Aled yng nghanol rhostiroedd uchel Hiraethog. Mae’r safle anial, ond hyfryd hwn sydd dros 250 troedfedd uwch lefel y môr, yn gallu bod yn wyntog, ond dyma le da iawn i bysgota cwrs am ddraenogiaid, penhwyaid bras a chochiaid.
Taith Sain Llwybr Arglwyddes Fair ar MP3

Cyfeiriad

Gwydir Forest, Llanrwst, Conwy, LL26 0PL

Llanrwst

Os oes awydd arnoch daith hamddenol yn ôl i’n gorffennol canoloesol yna mae Taith y Fonesig Fair trwy Goedwig Gwydyr yn berffaith ar eich cyfer. Ar y daith hanesyddol ceir golygfeydd anhygoel o hen dref marchnad Llanrwst.
Gwarchodfa Natur Leol Bryn Euryn

Cyfeiriad

Bryn Euryn, Rhos-on-Sea, Conwy, LL28 4AB

cg.cs@conwy.gov.uk

Rhos-on-Sea

Mae Bryn Euryn yn fryn calchfaen amlwg uwchben Llandrillo-yn-Rhos, efo golygfeydd da o'r copa. Arno mae cymysgfa dda o laswelltir a choetir, efo rhan ohono yn Safle o Ddiddordeb Gwyddonol Arbennig.
Llwybr Craig Forris

Cyfeiriad

Cae'n y Coed, Betws-y-Coed, Conwy, LL24 0TN

Betws-y-Coed

Taith gerdded gymhedrol/anodd drwy Goedwig Gwydir gyda golygfeydd godidog o fynyddoedd Eryri.
Llwybr Archaeolegol Brenig - Taith trwy Amser - Llwybr Byr

Cyfeiriad

Llyn Brenig Visitor Centre, Alwen, Cerrigydrudion, Conwy, LL21 9TT

Ffôn
01490 389222

Cerrigydrudion

Y byrraf o’r ddau lwybr, ychydig gannoedd o fetrau o hyd yn unig, yn cyflwyno rhai o nodweddion mwyaf diddorol o’r Oes Efydd ac Oes y Cerrig ger Llyn Brenig.
Taith Ucheldir Huw Tom - Penmaenmawr i Rowen

Cyfeiriad

New York Cottages, Bangor Road, Penmaenmawr, Conwy, LL34 6LE

Penmaenmawr

Taith gerdded Huw Tom, 6 milltir (9.6 cilomedr) o hyd gyda golygfeydd godidog o Benmaenmawr ar yr arfordir drwy’r mynyddoedd i Rowen, pentref bychan yn Nyffryn Conwy.
Taith Pererin Gogledd Cymru

Cyfeiriad

Conwy, LL28 5RE

Mae’r llwybr 33 milltir ar draws Sir Gonwy yn rhan o Daith Pererin Gogledd Cymru, llwybr hanesyddol 130-milltir o hyd sy’n mynd o Abaty Dinas Basing i Ynys Enlli.